राष्ट्रिय लोक सन्चारकर्मी नेपालले मनायो राष्ट्रिय धान दिवस: कलाकारहरुको विशेष प्रस्तुति

काठमाडौँ । २२ औं धान दिवसको उपलक्ष्यमा राष्ट्रिय लोक सन्चारकर्मी नेपालले आयोजना गरेको रोपाईँ उत्सव भब्यताका साथ सम्पन्न भएको छ । गोकर्णेश्वर ७ शिवचोकको फाँटमा आयोजना गरिएको कार्यक्रममा थुप्रै कलाकारहरुले सहभागीता जनाएका थिए ।

कलाकारहरु केहिबेरको साँस्कृतिक कार्यक्रम गरेसँगै धान रोपाईमा सरिक भएका थिए । कार्यक्रममा गोकर्णेश्वर नगरपालिकाका प्रमुख दिपक कुमार रिसालले लोक सन्चारकर्मीको नेपालले सँस्कृति र नेपालको पहिचान जोगाउनका लागी भूमिका खेलेकोमा धन्यवाद ब्यक्त गरे । साथै कृषिमा नेपाललाई आत्मनिर्भरता बनाउनका लागी हामी सबै कृषकहरुकै मुख्य भूमिका हुने भन्दै उनले कृषीमा जोड दिन आग्रह गरे ।

कार्यक्रममा वरिष्ठ गायक, संगीतकार, चलचित्र निर्देशक नारायण रायमाझीसँगै बद्री पँगेनी, नवीन पौडेल, मञ्जु पौडेल, सरोज लामिछाने र लोक तथा दोहोरीगीत प्रतिष्ठानकी अध्यक्ष रीता थापा मगर, मोडल एलिजा गौतम, सन्जु न्यौपाने, बालगायिका आयुशा गौतम लगायतको उपस्थिती थियो ।

यस्तै उक्त रोपाईँ उत्सवमा घाँसेगीतका ज्ञाता शिवनारायण जोशी र नारायण रायमाझीलाई सम्मान पनि गरिएको थियो ।

आयोजक संस्था राष्ट्रिय लोक सन्चारर्की नेपालका अध्यक्ष चन्द्रमणी गौतमले नेपाल कृषिमा आत्मनिर्भर हुनुपर्छ भन्ने उद्देश्यका साथ संस्थाले हरेक बर्षको असार १५ मा रोपाईँ उत्सव गर्दै आएको जानकारी दिए । साथै उनले संस्थाले बिशेषगरी नेपाली मौलिक, सँस्कृति झल्किने कार्यक्रममा जहिले पनि जोड दिन जानकारी दिए ।