काठमाडौं: पछिल्लो समयकी चर्चित दोहोरी गायिका आशा बिसीले नयाँ गीत ‘कल्ले लान्छ र मलाई’ सार्वजनिक गरेकी छन् । गीत सार्वजनिक भएको छोटो समयमै दर्शक श्रोताबाट सकारात्मक प्रतिक्रिया पाइरहेको छ। गीतमा आशा बीसीको मिठो स्वर सुन्न सकिन्छ भने राजु परियारले यस गीतको शब्द र संगीत भरेका छन्। गीतको एरेन्ज भने सुनिल परियारले गरेका हुन् ।
सुन्दा निकै आनन्द आउने र नाचौं नाचौं लाग्ने गीतको भिडियो पनि उत्कृष्ट बनेको छ । गीतको लय शब्द र गायन जति उत्कृष्ट बनेको छ, त्यतिनै उत्कृष्ट भिडियो बनेको छ । बिशाल घिमिरेको निर्देशन एवम् मुकेश नेपालीको कोरियोग्राफीमा तयार भएको यस गीतको भिडियोमा लोकप्रिय कलाकारहरु जुना बिश्वकर्मा र बद्री प्रसाद तिवारीले अभिनय गरेका छन् । अजय रेग्मीले छायांकन गरेको गीतको भिडियोलाई मिलन बिश्वकर्माले सम्पादन गरेका हुन् । गीतको भिडियोलाई आशा बिसिकै अफिसियल युटुब चयानलमा अपलोड गरिएको छ ।
हेर्नुस भिडियो :
